Արցախի Հանրապետությունում ուղեղային կենտրոնի արդի խնդիրների ու առաջնահերթությունների մասին [Current Problems and Priorities of the Think Tank in the Republic of Artsakh]

Armenian Abstract: Հետազոտության նպատակն է հիմնավորել Արցախի Հանրապետությունում ադրբեջանաթուրքական ագրեսիայի հետևանքով ստեղծված իրավիճակում Ուղեղային կենտրոնի գործունեության հրատապությունը և որպես այդպիսին «Կաճառ» գիտական կենտրոնի համապատասխան կարգավիճակի ինստիտուցիոնալացումը: Հետազոտության խնդիրներն են Ուղեղային կենտրոնների կարևորումը, ստեղծված իրավիճակում դրանց գործունեության առանձնահատկությունների ու առաջնահերթությունների սահմանումը, «Կաճառ» գիտական կենտրոնի վերագործարկման կամ բարեփոխման համար անհրաժեշտ նյութական և այլ ռեսուրսների հստակեցումը, առաջանցիկ նպատակների շրջանակի և դրանց հասնելու ճանապարհային քարտեզի, ակնկալվող արդյունքների ու ձեռքբերումների ներկայացումը: Հետազոտությունը կատարվել է ռետրոսպեկտիվ, պատմահամեմատական, պատմահամակարգային մեթոդներով: Երկարամյա ուսումնասիրությունների արդյունքների հիման վրա հանգել ենք այն եզրակացությանը, որ պետական անհրաժեշտ ու համակողմանի աջակցության շնորհիվ «Կաճառ» գիտական կենտրոնը կարող է գիտահետազոտական լուրջ հիմքերի վրա դնել մեր հանրապետության առաջ ծառացած ներքաղաքական ու արտաքաղաքական, պաշտպանական-անվտանգային և այլ հիմնահարցերի լուծման ուղիների որոնման ու առաջադրման, հասարակական-քաղաքական, սոցիալ-տնտեսական ընթացիկ գործընթացների փորձագիտական գնահատա-կանների, ռազմավարական վերլուծությունների ու կանխատեսումների համալիր գործընթացը: Ծայրահեղ իրավիճակում և ճգնաժամային պայմաններում ինչպես մյուս Ուղեղային կենտրոնների, այնպես էլ «Կաճառ» գիտական կենտրոնի առաջնահերթ նպատակներն ու խնդիրները պայմանավորված են Արցախի Հանրապետությանը նետված մարտահրավերները պատեհաժամորեն կանխելու կամ հաղթահարելու անհրաժեշտությամբ