இஸ்லாமிய வங்கியியலுக்கான குறுகிய அறிமுகம் (A Brief Introduction to Islamic Banking)

Tamil Abstract: இஸ்லாத்தை பற்றிய பலவாறான தவறான எண்ணங்கருக்களும் கருத்துக்களும் நிலவிவரும் இக்காலகட்டத்தில் இஸ்லாமிய வங்கி முறைமை பற்றி சுருக்கமாக சில தெளிவுகளை முன்வைப்பது இவ்வாக்கத்தின் நோக்கமாகும். இவ்வாக்கத்தின் கட்டமைப்பை பற்றி சில வார்த்தைகள்: நாம் முதலில் இஸ்லாமிய நிதியியலுக்கான வரலாற்று பின்னணியை அறிமுகம் செய்து, இஸ்லாமிய வங்கி என்றால் என்ன என்ற வரைவிலக்கணத்தை முன்வைப்போம். நிதியியல் தொடர்பான சில எண்ணக்கருக்களை கலந்துரையாடுவோம். அதன் பின், சில இஸ்லாமிய கொள்கைகள். நியமங்களை பற்றி கூறி, அவை மரபு ரீதியான வங்கிகளுடன் கொடுக்கல் வாங்கல்செய்யும் போது எவ்வாறு மீறப்படுகின்றன என்பதையும் மிக சுருக்கமாக ஆராய்வோம். சமூக ஊடகங்கள் வழியாக சிலர், இஸ்லாமிய வங்கிமுறை பற்றி காரசாரமாக பேசுவதும், ஹலால் ஹராம் என பத்வா கொடுப்பதும் மிக சகஜமாகிவிட்டது. அக்கூட்டத்தில் மார்க்கத்தை படித்தவர்களும், பாமரர்களும் சில தொழில்நிபுணர்களும் உள்ளடங்குவர். கம்பெடுத்தவன் எல்லாம் சண்டைக்காரன் என்பது போல சமூக ஊடகத்தில் இணைந்த எல்லோரும் முஃப்திகளாகவும், சிந்தனைத் தலைவர்களாகவும் மாறிவருகின்ற காலம்.இஸ்லாமிய நிதியியல் தொடர்பில் மிக ஆழமான அறிவும் அனுபவமும் கொண்ட உலமாக்கள், பொருளியலார்கள், வங்கியாளர்களை நான் சந்தித்ததுண்டு. அவர்கள் தாம் இன்னும் கற்றுக்கொண்டிருப்பதாக கூறுவது எனது பார்வையில் அவர்களுக்கு இடையே காணப்படும் பொதுவான பண்பு