COVID-19 PANDEMIYASI RƏQƏMSAL İQTİSADİYYATIN İNKİŞAFINA TƏSİR GÖSTƏRƏN AMİLLƏRDƏN BİRİ KİMİ (The COVID-19 Pandemic as One of the Factors Affecting the Development of the Digital Economy)

Azerbaijani Abstract: Ümumdünya Səhiyyə Təşkilatının koronavirus infeksiyasını pandemiya elan etməsi bir çox infrastruktur sahələrinə öz təsirini göstərdi. Yeni növ koronavirus epidemiyasının ortaya çıxması nəticə etibarilə dünyada iqtisadiyyatın fərqli sahələrinin rəqəmsallaşmasına və rəqəmsal iqtisadiyyata keçidin sürətlənməsinə əlverişli şərait yaratdı. Beləliklə, koronavirus yeni nəsil texnologiyalardan istifadəyə təkan verdi və nəticədə rəqəmsal texnologiyalar daha da ön plana keçdi. Bilavasitə olaraq, internet istifadəçilərinin sayının artması, əhalinin evdən işləməsi, elektron ticarətə üstünlük verməsi müşahidə olundu, eləcə də Skype, Zoom və digər vasitələrlə ünsiyyət qurmağın təhlükəsizliyi diqqət mərkəzində oldu. Əhali koronavirus infeksiyasının törətdiyi neqativ təsirlərdən uzaqlaşmaq məqsədilə, üz-üzə keçirilən beynəlxalq görüş və konfranslardan imtina edir, həmçinin biznes, təhsil və müxtəlif infrastruktur sahələrinin online platformaya keçməsini məqsədəuyğun görürlər. Flexible qrafiklə fəaliyyət göstərən iş yerləri və video bağlantı xidmətlərindən daha geniş istifadə nəticəsində milyonlarla insanın iş yerinə getmədən evdən öz işini idarə etməsi gəlirlərin artmasına, müvafiq olaraq xərclərin aşağı düşməsinə gətirib çıxarır. Bundan başqa, pandemiya ilə əlaqədar olaraq iri ticarət mərkəzlərinin fəaliyyətinin dayandırılması nəticəsində ölkə əhalisinin online alış-verişə keçməsi müşahidə olunmuşdur